هل من الممكن ان تحب انسان عمرك ماشوفته فى حياتك ؟

انا بالصدفة الباحتا وقع الموضوع دة قدامى وانا بتصفح على الانتر نت

حسيت انى لازم اجيبو هنا
وانا نقلتو زى ماهو
رايكم

سؤال احتار فيه الكثرين
سؤال يتبادر الى ذهنك
وتحيرك اجابته

ممكن تحب انسان عمرك ماشفتة فى حياتك ؟؟؟

من خلال شبكة الانترنت ..من خلال الماسنجر ..من خلال المنتديات .. من خلال الهاتف ..وغيرها ....

هل من الممكن أن تكون المحادثات الماسنجرية أو الشاتية أو الهاتفية كافية كى تعرف وتحب شخص معين ..!

هل أنت ضد هذا النوع من الحب ؟

هل تعتبره تسلية وتضييع وقت وتعبئة فراغ ؟

وبالفعل فهناك الكثيرين ممن يلعبون بمشاعر الاخرين حقا...!!!

ولكن
انها الروح
هى الروح من تحب
هى من تتآلف مع روح أخرى تعرفت عليها فوجدت عندها الحب
والامان والطمأنينة والسلام
وكانت أقرب من روحها اليها

لا داعي ان تتلاقي الاجساد والعيون..
كي نحب ..

لا داعي ان نكون قريبين من بعضنا البعض كي نحب..

فالحدود والمسافات لا تمنع قرب القلوب والارواح من بعضها البعض..

فالمشاعر والاحاسيس الجميلة الطيبة..
تلغي المسافات والحدود والابعاد الزمانية والمكانية..
وتلغي الوجود..

واننا نحبهم رغما عنا...

ودون سابق انذار منا..

ونتعلق بهم..
ونتعود عليهم..

فنلتصق بارواحهم..

التصاق الروح بالروح..

وتكون ارواحهم لارواحنا قرار..

هل تؤيد او لا تؤيد هذا النوع من الحب..!!
وهل احببت شخصا لم تعرفه ولم تراه ابدا في حياتك...!!
اريد رأيكم بالموضوع ؟؟؟

توبيـكـ هـايل أوى يا درش ... و أنت عـارف أنـى حصل معـايا الموضوع دة قبـل كـده

بس أنـا بصـراحـه محستـش بحـب من ناحيـه الأنسـانه دى ...

عشـان كـده انـا مش مع الحـب دة ... و لو همـا هيحبـوا بعـض من علـى النـت فيبقـى لازم

تيجـى فرصـه أنهـم يشوفوا بعـض

ميرسـى على التوبيكـ يا دررروشــه

:قلب

سؤال محير بس ان كان الحب هيدوم وهيكمل وينتهى نهاية سعيدة بالزواج انا اؤيد الموضوع هدا بس لازم يكونوا شافوا بعض وتكلموا مع بعض ويدخلوا الأبواب من بيوتها وميرسى على هدا التوبيك الهايل المحير

طب ماطبيعى يا مشتاقة لو وصل للموضوع دة ماحدش هايقدر يتكم

احنا بنتكلم على المبداء نفسة ينفع اتنين ماشفوش بعض يحبو بعض ولا ماينفعش

علل

بصراحه يا درش انت عارف ايه ردى فى الموضوع ده
لانه ما بنى على باطل فهو باطل
ومدام المبتدا غلط فما يترتب عليه غلط
وياريت لو فى رد مقنع من اى حد تانى ياريت اشوفه
بس ياريت يكون مقنع

عازف اوتار الحب

[size=18]الحب يادرش احساس فان كان الأحساس بين الأتنين عالى لدرجة فظيعة يعنى مش هزار حتى لو ماشافوا بعض هيعملوا المستحيل علشان يكونوا لبعض وبرجع اقول ان كان ليهم نصيب فى بعض ربنا هيساعدهم بس يكون حب طاهر بدون اى مخالفات [/size]

او مش مقنع نحن نحترم جميع الاراء وشكرا على ردك ومتابعتك

ياشيكو

وبالنسبالك يا مشتاقة دة رايك وانتى حرة بس برضة رد طبيعى

ماهو لو مش هايكون فى اى مشكلة وهايكون نهايتة الجواز يبقى مافيش مشكلة

لكن لو دلوقتى قدامك اتنين ماشفوش بعض خالص وقالو انهم بيحبو بعض

انتى معاهم ولا مش معاهم

انا معاهم بس انهم يحاولوا يوصلوا لبعض

هههههههههههههههههههه

عازف اوتار الحب

بتضحك على ايه وعلى مين ياعازف اوتار الحب

ايوة صحيح بتتحك على اية

قول ما تكسفش

درش بجد الموضوع جامد جدا

وانا عن نفسى مش بقتنع بالحب ده ابدا لان ده تعود مش حب وتقريبا ان احنا اتكلمنا فى الموضوع ده قبل كدة

وفى حاجة ان كل الى فى الشات بيكدبوا بجد مفيش حد صريح لازم يكون فى حاجة بيكدب فيها ولو بسيطة وبعدين هوة بيكدب او صريح دى حاجة احنا هنتاكد منها ازاى يعنى لو حد رد وقال لا فى ناس صريحة وناش بتكلم بجد ومش بتكدب هسالهم سؤال الى هيردوا كدة لية الثقة العمياء دى ولية انتوا واثقين اوى كدة ان الى بيتكلم معاكم سواء بنت او ولد مش بيكدب عليكم
كمان فى حاجة ان اوكى ماشى انا حبيت واحد على النت وتمام الى يثبت ان ده مش حب بجد ان انا حبيت صفات مش موجودة فية اصلا صفات هوة بيقولها كدة وخلاص علشان يبين ان هوة كويس مفيش حد هيقول على نفسى صفة مش كويسة قليل اوى وبعدين فين الاحساس الى بيبقى على النت ده مجرد كلام بيتكتب يعنى ممكن اكون بفكر فى حاجة وبكتب حاجة تانية خالص
انا لو كلامى فية حاجة غلط ياريت حد يقولى بس دى وجهه نظرى وانا مقتنعة تماما بيها لو فى اى حد شايف حاجة تانية ياريت يوضحها

معلش بقى طولت عليكم

يالهوى عليكى يا ميروو

والله بجد مش عارف اقولك اية

انا معاكى جدا جدا وهو دة الى كنت بقولة

بس انتى بقا ماشاء الله جايبة الكلام من الاخر

بجد تسلم ايدك على الرد دة

واى حد لية اى رائى مختلف او متفق يتفضل ينورنا هانكون سعداء جدا

فعلا مين من الناس دلوقتى الى ماتعرفنيش على المنتدى تقدر تجزم بانى بتكلم بصراحة ومش بحور

اصلى يا ميرووو

بس يادرش ميرو جابت من الاخر بجد انا نفسى اعرف حاجه اللى بيحب جالوا ا قلب يحب عن طريق النت بالله عليك ده اسمه ايه
ايه المرض اللى عنده علشان يحب بالطريقه ديه ولو حتى يا ميرو سمع صوته او حتى عرف يشوفه عن طريق الكاميرا كل ده يكفى انه يحب عن طريق النت ممكن اعرف بعد كل الكلام اللى الناس بتكتب عنه لسه فى ناس كده
طيب انا عايز اعرف حاجه من اساسات الحب تبادل المشاعر فين بقى المشاعر المتبادله هنا عن طريق الكتابه ولا على الموبيلات الله على ده حب فعلا هما دول الناس اللى عقلين

بس انا وانتى يا ميرو متزعليش منى متخلفين
بس ارجع وقول وجهات نظر

شكرا شيمكو على المشاركة

يااساتذة ياحلوين فى حاجة اسمها احساس ممكن تحس بيه مع اللى بتتكلم معاه وممكن تحبوا بعض وربنا يجمعكم مع بعض مع انى عارفة انه بينهى

احساس

ماشى اية هو الاحساس بالنسبالك

الاحساس انك تشعر بالانسان اللى قلبك شعر بيه وحس بيه هتحس يكلامه وتصرفاته حتى لو كان بعيد عنك الأحساس دا يادرش مابتقال دا بنحس بس فهمت ياريت تكون فهمت

بصى يامشتاقة انا هقولك حاجة دلوقتى احنا مش متاكدين ان هوة بيكدب او لا

يعنى مينفعش نثق فية ثقة عمياء يعنى نفرض ان كلامه كدب اكيد الاحساس هيكون كدب

وبعد ازنك متقوليش لا مش كدب والكلام ده لان بردة هرجع واقولك لية متاكدة اوى كدة

وواثقة الثقة الجامدة دى بصى انتى صح فى موضوع الاحساس بس الاحساس ده لو حتى بتشوفية من بعيد بس بيكون فى نفس المكان الى انتى فية مش بتشوفية كاميرا وياعالم هوة ولا ومش هوة

ولا كل مرة هوة الى بيكلمك ولا عامل عليكى حوار وممكن مش فاضى ويخلى صاحبة يقوم بالواجب

النقاش فى الموضوع ده عمرة ماهينتهى وانا لو اتكلمت عن الموضوع ده هتكلم كتير بس كفاية كدة

كدة كتير اوى ولو فى يامشتاقة اى حاجة انتى معترضة عليها قوليها

انا عارفة الكلام دة كله بس بجد معقول انه الأحساس بيكد على الانسان احنا بنكون هبل قوى لو كان كدة

مش فى كل الاوقات الاحساس بيكون صح يامشتاقة فى اوقات كتير اوى بيكون الاحساس غلط

وبعدين الاحساس يكون صح لو كانت الحياة الى احنا فيها او الحوار الى احنا فية صح الموضوع اصلا بيكون مبنى على الوهم والكدب يبقى منين الاحساس هيكون صح بالتاكيد هيكون وهم وكدب

ميرسى ليك ياميرو

على اية ياقمر بس المهم تكونى استفادتى او اقتنعتى بحاجة من كل الموضوع ده

معلش انتو عارفين انى رزل حبتتن وبخش فى حاجة كدة

هاقول شوية حجات بسرعة وهامشى ماتقلقوش

اول حاجة الاحساس حاجة كدة مش بنقدر نتحكم فيها

بتترتب على اساس شوية كلام بنحب نسمعهم وشوية حجات بنحب نصدقها واحنا عارفين انها

مش حقيقية

والاحساس زى اى حاجة فى الدنيا ممكن يكون احساسى صح وممكن يكون غلط

دة فى ارض الواقع يعنى ممكن انا ابقى عارف واحد وحاسسة انة كويس وانة كذا وكذا

وانا بكون بتعامل معاه وجة لوجة وفى الاخر ماتجيش الضربة الا منة

فما بالكم بحد عمرك ماشوفتة وعمرك ما شوفت معاه مواقف حقيقية

وغيرها من الحجات الى بتحصل فى الحياه العادية مع البشر

ياترى دة هايكون احساس صادق

كل الحكاية اننا لو خدنا الموضوع انة مجرد تعارف واعجاب زى اى حاجة

ما انت مثلا فى الكلية بتشوف حد عمرك ماشوفتة وشوية شية بتعرفة وبتعرفة اكتر وهكذا

النت ماينفعش يكون فية احساس صادق لانة عالم افتراضى

وحتى لو موجود وانا عارف انة موجود لكن ماينفعش يتصدق الا لما ينزل ارض الواقع

سورى جدا انى طولت عليكم بجد

الكلام رد على درش ياريت تكون قريته
هتكلم بصراحة انا انسانة احساسى قوى بجد انت اكيد بتعرف انا الواحد فى عمره لازم يكون حب شخص معين وانا فعلا حبيت شخص معين فى حياتى بس من طرف واحد حب شريف لم يعرف به احد الا قلبى وشخص غالى عندى وهى امى عارف يادرش انى كنت احس بيه فى اى حاجة لو كان مريض كنت اعرف لو كان هيجى علينا كنت احس صدق او لا تصدق انا قولت بصراحة عن نفسى وعن احساسى انه قوى ولما واحد يكدب على بعرف كمان معلش طولت عليكم بس ياريت درش يرد على ويقولى ايه الاحساس دة بتاعى