اية هيا اكتر كلمة جيبانا لورى...؟

:arrow:
السلام عليكم ورحمة اللة وبركاتة
الحقيقة الموضوع دة ممكن نعتبرة موضوع خفيف بس المشكلة انة مينفعش نسكت علية خالص لا
ن بيخنق والصراحة بحس انة اللي بيقع فية ينطبق علية مقولة (قصر دييل) ...الموضوع دة او الكلمة دي واللي
حتى انا متغاظ وانا باكتبها هي كلمة ( ماليش فية ، ماليش دعوة ،وانا مالي ياعم)..
والنبي دي ملهاش اي تفسير غير السلبية والجبن ودة اكتر حاجة بصراحة جيبانا وجايبة مجتمعنا لورى..
كتير من المجالات والمواضيع والمشاكل اللي في مجتمعنا وردت وكبرت وبقت مستعصية الحل نتيجة لاهمالنا حلها
والشرارة بتبدء في معظم هذة الامور من كلمة (ماليش دعوة) ...اللي بسببها هربنا من مواجهة امور كتيرة بعد كدة استفحلت
وبقت عقيمة وملهاش حل مثلا (مشاكل السياسة_المشاكل التعليمة _مشاكل تعامل الناس مع بعضها البعض) دة حتى ياخي
ممكن يكون البني ادم مننا شايف اوضاع كتيرة قدامة متعجبوش بس عشان تكبير الجمجمة اللي بقينا فية يقول الرد المعروف
(ماليش فية) طيب لو رحت وكلمت الشخص اللي عامل امشكلة دي اللي شكلها موش عاجبك او تدخلت في الموضوع الفلاني
اللي ممكن بعد كدة يقلب بمشكلة كبيرة بدل الكلمة الغلسة دي ..موش ساعتها هتحس بقيمتك فيالمجتمع لانك بتسعى في الصح
موش للخراب ...كلمتي دي ياجماعة موش دعوة انة كلة يحشر منخيرة في اي بتنجان والسلام لاني بردوة مع مقولة(من تدخل فيما لايعنية لقي مالا يرضية) بساللي قصدي فية لو لقيت موقف معين وممكن تدخل بما لايهز شخصيتك او يعبر تعدي سافر على خصوصيات حد
طيب متدخل وامنع مشكلة او موقف يسئ لبلدك او لمظهرها العام او ساهم في منع حدوث مشكلة ( يعني اوزن الامور بمخك الاول )
قبل ماتدخل عشان ميتحسبش عليك ...الصراحة الموضوع حلو وعايز اسمع اراء الاعضاء لانة الموضوع بيخصنا كلنا وكلنا بنقول الكلمة دي وانا كمان احيانا بتطلع مني على سبيل الكسل فياريت ندوس شوية مع بعض في هذااالكلام عشان فترة كدة وهنتكلم في ظاهرة تانية برضة منتشرة اللي هيا بقة عكس الظاهرة بتاعة ( ماليش دعوة ) اللي هيا ظاهرة (الفتي) او انة اي حد مالوش فية بيقول من غير سابق
خبرة او دراسة ويقول راية لحد فيورط الحد في موضوع وبدل مايساعدة نتيجة ظاهرة (الفتي) دي اوك يالا ياشباب... شكرا

اولا احب ابدى اعجابى الشديد بمواضيعك عمتا بجد

ثانيا بالنسبة للموضوع دة

انا من رائى ان فعلا دى مع انها كلمة بس تعتبر اكبر مشكلة فى مصر دلوقتى

المشكلة بقا انى محرج اتكلم لانى مشارك فى الكلام دة

بس بجد نفسى الموضوع دة يتغير

الواحد دلوقتى بيقول يلا نفسى

وفعلا يا خالد فى حجات برضة ماينفعش حد يدخل فيها كدة وخلاص

بص بقا انا شايف ان الحل بدل ماكل واحد يقعد يتكلم ويقول دة بيعمل ودة مش عارف مين

هو يبداء بنفسة ولو هو عدى المرحلة دى يتكلم بقا بقلب جامد

يعنى لما واحد يجى يقولى انتى ما بتصليش وهو ما يركعهاش والنبى دة اسمة كلام على اى اساس

يعنى من الاخر مش عايزين نبقى (تامرون الناس بالمعروف وتنسون انفسكم)

معلش بقا يا خالد باشا انى طولت عليك

بس الكلام فى الموضوع دة ما يخلص

درش

لا بالعكسميةمية يادرش وانتا معاك حق يادرش هيا المشكلة ديما فينا وامتى ناخد نقطة الستارت لتغيير حياتنا عموما ياجماعة انا مبطل الكلمة ديبقالي فترة هوة الهدف اكتر ياجماعة ياريت نقول ولو قصص حصلت بس باختصار لحد فينا قال الكلمة دي عشان نقول اذا كانت الكلمة دي تقالت في مكانها ولا زي مابنقول سلبية يارب تكون فكرتي وضحت ومنها هنبدء نحصر الكلمة دي واستخدامتها تحياتي ليك يادرش.........

اولا تحياتى ليك ياخالد على مواضيعك اللى بتخلينى مقدرش اخرج

من غير اى تعليق حتى لو بس هشكرك على افكارك الهايلة دى

بص ياخالد على رأى درش "المشكلة بقا انى محرج اتكلم لانى مشارك فى الكلام دة"

انا كمان احدى المشتركين فى الكلمة دى بصورة بقا بشعة ومحدش يتخيلها يعنى انا تقريبا

حياتى كلها مع الكلمة دي مفيش حاجة بحطها فى دماغى لا واحيانا بكبر عن مشاكلى انا شخصيا

واحولها على غيرى واقول طبعا"مليش فيه _مليش دعوة" موضوع مش سهل تغيره وفعلا لازم

نبدأ بنفسنا بس المهم بقا المشاكل اللى بنقابلها لما بنقرر نتكلم"بناخد فوق دماغنا"طبعا فاهم ياخالد ولا ايه؟

بجد ياريت حد يوصل لحل وكلنا ان شاء الله هنفكر ونتعاون فى تنفيذ الحل ده ثانكس ليك ياخالد مرة تانية

عموما باشكرك حتى متي على الاعتراف دة لانة نص الحل للمشكلة ......بس كانت عايز ولو موقف بسيط استعملتي فية الكلمة .........يالا ماعلينا عموما ياجماعة بجد واللة الكلمة دي سلبية وبتخنق لازم نشوف حل ومنخفش ناخد على دماغنا زي حتى متى ماقالت لان انا قولت ان التدخل دة بعد ماتوزن الموقف بسرعة قبل ماتدخل طيب بلاش الرغي دة كلة في حديث للرسول علية الصلاة والسلام بيقول فية(من راى منكم منكرا فليغيرة بيدة فان لم يستطع فبلسانة فان لم يستطع فبقلبة وذلك اضعف الايمان)
مستني مشاركتكم........

انا جيت مرة تانية علشان طلبك ياخالد لموقف

ياخالد دى موااااااااااااااااااااااااااااااااااااااقف

بص مثلا حواليك انت لما الدنيا "غليت" بالطريقة

اللى احنا فيها دى قولنا ايه"ملناش فيه_ مليش دعوة"

والنتيجة طبعا واضحة مفيش اى حاجة رخصت خالص

ولا هترخص حتى المواصلات اللى بتطلع عنينا فيها واحنا

اللى بنتبهدل كمان الاجرة بتاعتها زادت وبرضو لسة بنقول

"مليش فيه_ومليش دعوة" ده موقف واحد من مواقف كتير جدا

بصي في موضوع اسمة ( لسة فية كدة ...) كاتبة هاني المصري موش فاكر في اي قسم هبقى اقولك عموما بيحكي فية قصتة وهوة راكب الميكروباص بعد ارتفاع الاسعار دة تصوري بقة لما السواق اتكلم وقال( الاجرة زادت ربع جنية ياحضرات..)
كلة دفع وسكت واللي اتكلم تخيلي انة بنت وطالبة كمااان اسالي هاني كماان ........
عموما احنا كلنا عارفين اصلا ان بتوع الميكروباصات سيييييد من يصطاد في المية العكرة يعني الدنيا غلت بيعلو الاجرة الدنيا رخصت برضة يعلوها المنتخب اتغلب فيكاس العالم بيغلوها تماما زي سعرالحديد بتاع التسليح كلة يقول هينزل والحكومة هتحط قرارات رادعة بتبص بتلقية يذيذ اكتر واكتر..........
اكيد ولازم وحتما انتي موش اقل من البنت اللي ركبت المكروباص مع هاني واتكلمت وهيا بقة (شوفتي ازاي) وخلتة يرجع الاجرة الزيادة وهاتك ياعياط ( راجع موضوع هاني المصري ..) عموما انا هشوفلك مكان الموضوع واهسيبهولك عشان تشوفي مثال حي لعدم السلبية...واديني برد بمثال اهوة برضة.......

عموما موش فاكر مكان موضوع هاني فين بس اول ما هيخش او هبعتلة يخش يسبلنا مكانة فين في المنتدى عشان انا شايف ان موضوعة دة مثال حي لعدم السلبية ولاء ومن مييين من بنوتة تصورواا!!!!!

ماشى ياخالد انا هستنى اعرف مكان الموضوع

مهو ده من سلبياتى ياخالد وبعدين حتى لو اتكلمت

مين هيوقف جانبى يعنى دى اقل كلمة من السواق

"اتفضل يانسة شوفيلك حد على مزاجك"وطبعا هيبقى

شكلى زى الزفت لما غصب عنى اركب وادفعله يبقى

عملت ليه هيصة من الاول بقا مكان من الاول

باختصار احد العوامل اللى بتزود سلبيتنا _الاخرون وسلبيتهم_

طيب قشطة تعالي لما اقولك.....
اهم عوامل السلبية والتي تعتبر اهم روافدها المغذية ليها الخوف امال لية انا قولت ان السلبية مرادفة للجبن عشان
هيا اللي اوجدت الكلمة دي بيناا عمومما احب اوضحلك شئ....
لما تبقى عارفة حقوقك واية اللي ليكي واية اللي عليكي صدقيني دة سند ودافع ليكي يعني مثلا التعريفة زي ماقريتها
لما تزيد بعد الزيادات الاخيرة عارفة بتذيد كاام؟ من 10 قروش ل 15 قرش اي سواق بقة بيحب يعيش دة موضوع
تاني... او نروح القسم بقة هههههههه......
طبعا موش هقولك كل ماتركبي مواصلة تقولي للسواق روح القسم بس على الاقل متسكتيش لو شايفة حاجة غلط
وسيبيها على اللة وموش كل مرة هتروحي القسم يعني ... سيبي القسم دة للي زينا ..عموما موضوع خناقات الركاب
مع السواقين دة موضوع شائع وكبير واكبر مني ومنك بس عموما احنا بس بناقش المبدء مع بعض حاليا وكفاية اننا
جوانا كلمة ( لا للسلبية.....)....

شكرا تاج وحتى متى على ردكو

انا شايف المشكلة دى من منظور تانى كمان

احنا كل واحد فينا طلع لقى تهلو متعودين على كلمة انا مالى

وتلاقى الاهل يقلولك خليك فى حالك ماتعملش مشاكل مش عارف اية

انا عارف انة دة بيبقا خوف عليك بس برضة

يعنى دة سبب من الاسباب

اقولكو على حاجة انا عندى فكرة

احنا نتبع الاسلوب العلمى لحل المشكلة

فى الموضوع دة

انتظرو الاسلوب العلمى فى حل المشكلات الرد القادم

معاك ياخالد

لا للسلبية

فى انتظار الحل يادرش يارب يكون عملى بجد

ودة يا جماعة الاسلوب العلمى لحل اى مشكلة

اولا:نحدد المشكلة

ماهى المشكلة؟

ثانيا:تحديد نوع المشكلة

مانوع المشكلة؟

عامة ولاخاصة كبيرة ولا صغرة وكدة

ثالثا:تحديد اسباب المشكلة
ماهى اسباب المشكلة؟
الاسباب الحقيقية الواقعية

رابعا:جمع معلومات عن المشكلة بكل جوانبها

خامسا : استشارة الاخرين ومناقشة المشكلة
وهو مانفعلة

سادسا:تحديد هل بالمكان حل المشكلة ولا لازم نتكيف معها

سابعا:الثقة واليمان بانك قادر على حل اى مشكلة مهما كانت
ولا ننسى ان كل شئ بيدى الله فلا نخاف

ثامنا:اختييار وتطبيق افضل الحلول

تاسعا:تقيم الوضع هل المشكل تم حلها ام لا
وان كان لا فنختار حل اخر

تحياتى

د
ر
ش

ثانكس ليك يادرش على الاسلوب اللى هيخلينى

ارجع من تانى اقول"مليش دعوة" واريح دماغى

من الموضوع كله ولا اسلوب علمى ولا غيره

وادى سبب تانى ياخالد للسلبية وهو"التعقيد" سورى يادرش طبعا

انت بجد شكرا على مجهودك بس انا بقول رأى اول ماشوفت الاسلوب

بس انا ان شاء الله هكمل فى الموضوع يمكن نوصل فعلا لحل وميكونش

علمى اهم حاجة

اعتقد ان هى دى السلبية بعينها

اننا كل نبتدى نتحرك نقول دة تعقيد

انا هاقولك على حاجة ياحتى

عشان بس تعرفى ان دة مش تعقيد بالعكس دة الى خلى فى دول متقدمة ودول مش متقدمة

لان الفوضى والعشوائية عمرها ما هاتحل خاجة

فياريت تجربى الاسلوب دةعلى مشكلة كدة عندك صغيرة

وتقوليلنا النتيجة

وزى ما خالد قال او زى ما بيقولو بداية العلاج تبداء من الاعتراف بالمرض

**
**
د
ر
ش

صباح الخير/مساء الخير
اولا: بحب اشكر دردش لحماسة الواضح للوضوع ومحاولتة اثراء الموضوع بافكارة وبمشاركتة اللي حاسس فيها
انة فعلا زيي مخنوق من الكلمة دي ... وكمان بشكرك ياحتى متى؟! على تواصلك وحماسك انك عايزة تغيري
نفسك للاحسن...
ثانيا: انا لما طرحت الموضوع عشان بس موش اكتر الفت نظر اصدقائي الكرام لحاجة فعلا بتخنق وبتسؤ صورتنا
كشباب قدام المجتمعات التانية دة غير اننا موش ناقصين سلبية لو بجد عايزين نغير اوضاعنا...
ثالثا : مافيش داعي للخناق .....بص الحل بالاسلوب اللي انتة بتقولة دة صح مية في المية علميا فعلا بس زي
مانتا شوفت من حتى متى ؟ الموضوع عايزينة في الذيذ عشان يبقة سهل الهضم وناس تنفذة ببساطة وهقولك
لية؟.. لانة الموضوع دة عايز ياما تاخد قارارك وتنفذة بانك متبقاش سلبي او او ايجابي (القرار قرارك) موش
عشان موش احنا اللي يعني هنحل مشكلة ضاربة بجذورها في المنتدى....
رابعا: عايز اضرب مثال كدة باختصار عن احدث صورة عجبتني الفترة اللي فاتت للايجابية وعدم السلبية
اللي هيا ( انتفاضة الفيس بوك) اظن يعني دول شباب زينا ودماغهم برضة اهوة منتديات وبتاع ..وطلعو
وعملو موضوع هز البلد بغض النظر عن الاحداث المصاحبة ليها ودخول عناصر في النص كشان اي حاجة
حلوة لازم يكون فيها حجات بتفسد فرحتها وحلاوتها...
خامسا : دي موش دعوة مني اننا نعمل منتديات ونظم تظاهرات (لا تودوني في داهية هههههههه) بس قصدي
الفكرة ياجماعة بعدم السلبية لما بناخد قرار بجد وعايزين نعملة هنعملة واللة المهم القرار واختيار التوقيت
المناسب ..بشكرك جدا يادرش انتا وحتى متى ؟ جدااا ومستغرب فينك يهااااااني.......؟ :

مع غلاء الاسعار
تعالو نشوف الحوار اللى دار فى الميكروباص مع الركاب والسواق..
في اليوم التالي لارتفاع أسعار البنزين والسولار والتي تسببت في زيادة أسعار كل ما يستعمله الناس لم يكن هناك حديث سوى عن قرارات الزيادة.. في أثناء عودتي إلى البيت ركبت ميكروباصاً، وكالعادة كان حديث الساعة هو.. البنزين. سألنا السواق على الأجرة فرد ببساطة زي ما هي جنيه واحد بس من أول بكرة -إن شاء الله- هنطبق الزيادة، وهتبقى جنيه وربع بس!
دفعنا الأجرة كما هي، والركاب ما زالوا يتناقشون، ويتحاورون، ويتساءلون، ويفكرون في كيفية التعامل مع زيادة الأجور، والتي صاحبها ارتفاع وغلاء وتضخم الأسعار. وفي اليوم التالي ركبت الميكروباص كالعادة لأجد الركاب يجمعون الأجرة وهي عبارة عن جنيه واحد فقط، لكن قبل خروج العربية من الموقف، فوجئنا بشخص يظهر من تحت الأرض؛ ليخبرنا: "الأجرة جنيه وربع يا حضرات!".. لكن الركاب اللي أنا منهم استمروا على العهد، وحافظوا على ثبات الأجرة، وجمعنا الأجرة على جنيه لكن مع وصولنا للصف الأمامي قالوا لنا: "لأ.. عايزين ربع جنيه من كل واحد"، فبدأنا إعادة جمع الربع جنيه المتبقي، لتقف فتاة وتقول: "لأ.. أنا جاية الصبح بجنيه بس".
المهم ذهبت الأجرة إلى السائق جنيه وربع من كل الركاب فيما عدا الفتاة إياها؛ ليتساءل السائق: "إنتم جمعتم الأجرة على جنيه وربع؟" لترد الفتاة: "هي إمتى بقت جنيه وربع يا أسطى؟" ويتبعها رجل آخر بنفس التساؤل بعد أن قام بالفعل بدفع الربع جنيه! فيرد السائق: "من ساعة ما البنزين غلي"!، لترد السيدة الجالسة في الصف الأول: "يا جماعة الراجل من غير حاجة بعت لكم الربع جنيه الزيادة!" لتظهر علامات البلاهة والاندهاش على كل من في الميكروباص.
السائق فسّر الأمر قائلاً: "هو فعلا الأجرة زادت لجنيه وربع، بس أنا لسه ما طبقتش الموضوع ده.. أنا لسه ماشي على النظام القديم.. الناس صعبانة عليّ.. هتلاحق على إيه ولاّ إيه؟" فيرد أحد الركاب الذي كان قد سأل السائق: "إنت كمان صعبان علينا.. السواقين كلهم.. يعني إنتم هتعملوا إيه؟.. ما البنزين غلي، ولازم تعوضوا الزيادة.. أنا على فكرة كنت باسأل بس.. لكن دفعت الزيادة.. إحنا بنسأل من غُلْبنا، لكن انتم صعبانين علينا، وإحنا فاهمين إن الأجرة لازم تزيد طالما كل حاجة بتزيد"!
وتحوّل الميكروباص لمرثية من الناس للسائق والعكس، وكله بيشتكي حاله، وارتسمت كل ملامح البلاهة الشديدة على وجهي، وأنا أتساءل: "هو لسه فيه كده؟!".. لسه فيه بنت بتقف وتسأل وعندها الجرأة إنها تعترض وتحاول تفهم في الوقت اللي كان جنبها رجالة وستات والميكروباص كله موافق بالثلث، وأنا منهم! لسه فيه بنت ممكن تقف في وش الظلم -ده إن كان ظلم يعني!- زي ما كانت الستات زمان بتقف في وش الحكام وتشتكي بفصاحة أكثر من الرجال، كما فعلت امرأة مع الحاكم "المستنصر" وهي تشكو من غلاء الأسعار، وكما فعلت سيدة مع "الناصر صلاح الدين" وهي تشكو ضياع طفلها في الحرب!
هو لسه فيه كمان.. سواق ميكروباص ما يرفعش الأسعار رغم إن الناس موافقة، ويرجّع الفلوس اللي دفعتها له الناس عشان حال الناس صعبان عليه؟ لسه فيه ناس بتركب مواصلات عامة وما يقولوش على السواق حرامي واستغلالي، ويقولوا له إنت حالك صعبان علينا، ولازم تغلي الأجرة؟
استمرت الأسئلة في ذهني مع حالة البلاهة حتى جاء قرار الحكومة بزيادة أجرة الركوب داخل القاهرة وبين المدن الجديدة لتصبح 150 قرشا بدلا من 110 قروش وزيادة تعريفة السرفيس 25 قرشاً للمسافة الأقل من 25 كيلو مترا و40 قرشاً للمسافة الأطول من 25 كيلو مترا.. لأظل أتساءل بعدها.. هو لسه فيه كده؟!
دة ياجماعة موضوع هاني اللي قولتلكو علية ....قشطة

:ض11:

اولا:والله يادرش انا اعترفت انى من اكتر الناس السلبية فى الحياة

بس حبيت اوضح رأى لول ماشوفت الاسلوب العلمى واكيد ده بردو

سلبية منى بس فعلا انا مع خالد عايزين كده حاجة تناسب حياتنا"كشباب"

علشان نقدر كلنا نستفيد.

ثانيا:شكرا ليك ياخالد على انك جبت القصة بجد البنت دى هى دلوقت المفروض

تكون مثل اعلى ليا ولكتير من البنات والشباب. ممكن بعد اذنكم اقول موقف تانى للسلبية

واحد زميلنا فى الجامعة "اعتقلوه"وطبعا بحكم انه طالب وكل اللى عمله انه بيتكلم شوية قبل

دخول كل دكتور لمحاضرته فى ديننا الغالى كان محتاج اننا نقف جنبه علشان يخرج تانى بس

طبع كان الرد الوحيد من كتير مننا"ياعم انا مالى_هو اللى دبس نفسه_كل واحد يشيل شيلته"

وهكذا هي السلبية فى حياتنا

شكر للنقاش الجامد دة فى الموضوع الرائع

وربنا ما يجيب مشاكل يا خالد ان شاء الله

احنا بنتبادل وجهات النظر مش اكتر

بس معلش لو كنا عايزين الموضوع يتحل فى اللذيذ مش هايتحل كدة صدقونى

عموما ماعلينا

المهم ان دلوقتى ما اكتر السلبيات فى المجتمع

وفى مواقف كتير تدل على كدة زى موضوع المواصلات

والغلا دة

وفى مواقف بقا تكسف

يعنى مثلا لو حد شاف بنت بتتعاكس يترى ممكن يدخل ؟

او حد شاف عيل صغير بيضرب ممكن حد يدخل؟

لو حد شاف حادثة او حد مصاب مثلا ممكن يدخل؟

الموضوع مازال مفتوح وحالة الحوار مستمرة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

د
ر
ش

سورى يا جماعة للتأخير بس انا كنت بشوف آراءكو ايه ؟؟؟؟
بس بصراحة مش لاقى كلام اقوله جمب الكلام اللى اتقال
بس انا ممكن اقول ان الكلمة دى مش سهلة خالص
يعنى اى واحد يقول " مليش دعوة" او " يا عم كبر" او اى مصطلح من المصطلحات دى
بيكون انسان آبله ليس له اى علاقة بالحياة الواقعية
فى ناس تقولك ماينوب اللى بيحوش الا تقطيع هدومه
فتلاقى كتير اوى يقولك فعلا وانا مالى يا عم يكش يولعو
وتلاقى ناس تقلك ابعد عن الشر وغنيله لكن
المفروض يحصل ودة مش هنا بس دة بيحصل فى العالم كله
ان الانسان لازم يقول رأيه ويناقش اى مشكلة يقابلها لأن اى مشكلة مش بتتحل الا بالنقاش
ويكون نقاش عقلانى اكتر من النقاش بالبؤ بس
ولازم نتكلم ونتكلم لحد مانلاقى حل للمشكلة دى
لأن بجد لو اتحلت هاتحل مشاكل كتير اوى

مع تحيات

امير الحب

ازيكو...
انا باشكر هاني على ردة البسيط الواضح...
وعايز اقول ملاحظة......!!!
الفترة كلنا معرضين لنفسة الكلمة ولمواقف كتير هتحطنا في مفترق الطرق دي .....
بس المثال بتاع حتى متى ..؟ كويس انا عن نفسي هقول ردي لو مكانك قشطة ودة راي فقط
كنت لو استعوني للشهادة هقول الحق لو هوة عمل اية هقولة ولو عملش اية موش هقول عمل
يعني (الساكت عن الحق شيطان اخرس......
وهوة ونصيبة مقولنا حديث الرسول " فمن لم يستطع فبقلبة و ذالك اضعف الايمان...
المهم تبقي فعالة في دور وخلاص عندك اسراء "فتاة الفيس بوك" هيا موش قصدها حاجة
بس كانت ايجابية وهيا اتبهدلت فعلا بس قضاء وقدر وكفاية انها موش سلبية وولادها هيفتخرو بيها ...
ياريت تكون وجهة نظري وصلت وبانتظار المذيد ......وشكرا :ض11:

بس انا حاسس بجد انكو بداتو تهرشو دماغكو موش كدة...من شوية سلبيات فينا...؟

نهرش اية بس ياعم خالد دة احنا كدة هانبقى .......

ههههههههههههههههههه

د
ر
ش

اهو بنحاول ياخالد يمكن نوصل لحل ونبطل

السلبية اللى فينا دى واللى هيا اصلا سبب لمشاكل

كتير مكانتش موجودة قبل كده واما احنا فضلنا نسكت ونسكت

ظهرت وربنا يستر.

بخصوص المثال اللى انا قلته ياخالد فانا مقولتش ان حد فينا كدب او خلى نفسه

شيطان اخرس كل القصة كانت وقفة بس نعملها مع كل زمايلنا فى الجامعة علشان

نعبر عن اعتراضنا على اللى بيحصل لواحد من زمايلنا وطبعا موافقناش علشان بردو

منحطش نفسنا فى مشكلة احنا مش ادها خااااااااااااااااالص